Fréttir

Það er gaman að segja frá því svona í byrjun árs að Hríseyjarbúðin hlaut á dögunum styrk úr verkefninu Stafrænu forskoti 2019 ásamt 5 öðrum fyrirtækjum.

Fimmtudaginn 19. desember næstkomandi verður opið hús í Öldu frá kl. 17:00 - 19:00. Hægt verður að skoðað húsið/gistiheimilð og þá aðstöðu sem við bjóðum gestum okkar upp á. Núna standa yfir framkvæmdir við annað baðherbergi á efri hæðinni og mun það auka mikið á þægindi gesta. Allir velkomnir í skoðun og spjall, heitt á könnunni og piparkökur.

Vegna versnandi veðurs falla allar ferðir Hríseyjarferjunnar niður í dag þriðjudag 10. desember frá og með ferð kl. 13.00.

Jólabingó Slysavarnarfélagsins verður haldið í Verbúðinni 66 fimmtudaginn 12.desember. Barnabingó hefst kl. 15:00 Fullorðinsbingó hefst kl. 20:30. Mætum og styðjum gott málefni og eigum góða stund saman.

Nú er Karrinn kominn inn á heimasíðuna okkar og að venju er aðventudagatalið í honum ásamt fréttum úr samfélaginu. Í dag verður kveikt á jólatrénu á hátíðarsvæðinu og boðið upp á kaffi, kakó og smákökur í Hríseyjarbúðinni á eftir, síðan rekur hver viðburðurinn annan fram að áramótum. Það er von okkar að þið verðið dugleg að njóta viðburða hér í Hrísey. Hægt er að nálgast útprentað eintak í Hríseyjarbúðinni. Góðar stundir Stjórn Ferðamálafélagsins.

Aðventustund í Hríseyjarkirkju laugardaginn 30. nóvember kl. 17:00. Umsjón hafa sr. Oddur Bjarni og Svanbjörg Sverrisdóttir stjórnar kór. Börnin flytja helgileik og Ívar Helgason syngur okkur falleg lög. Að lokinni stund verður farið í kirkjugarðinn og kveikt á leiðalýsingu.

Athugið breyttan messutíma! Kæru íbúar Hríseyjar. Við höfum ákveðið að færa messuna sem vera átti 17. nóvember fram um viku. Við vonumst til að sjá ykkur sem allra flest í notalegri kvöldmessu næsta sunnudagskvöld, þann 10. nóvember kl. 20.00.

Sundátaki UMF Narfa sem hófst 14. september lauk í vikunni. Þáttakendur áttu að synda hið minnsta 200 metra í hvert sinn í fullorðinsflokki en 50 metra í barnaflokki. Alls syntu rúmlega 30 þátttakendur um 43 kílómetra, sem er lengra en sjóleiðin frá Hrísey til Akureyrar.

Fögnum vetri með kótilettum og tilheyrandi, Royal búðingur og rjómi á eftir. Hefst kl. 19.00 og verðið er 4.200 kr. Borðapantanir í síma 467-1166 fyrir fimmtudaginn 24. október.

Sundlaugin í Íþróttamiðstöðinni í Hrísey verður lokuð vegna viðgerðar um óákveðin tíma frá og með þriðjudeginum 8. október. Opið er í heita potta og líkamsrækt samkvæmt opnunartíma.