Fréttir

Sjá auglýsingu

  Síðustu vikurnar hefur bandaríski listamaðurinn Stephanie Clark búið og starfað í Gamla skóla Norðanbáls í Hrísey og heldur um helgina sýningu á afrakstri vinnu sinnar í Húsi Hákarla–Jörundar. Sýningin verður opnuð föstudaginn 20. mars og stendur til mánudagsins 23. mars. Opið er frá kl. 17–21 alla dagana. Yfirskrift sýningarinnar er „Eitthvað kosmískt“ og segist Stephanie fyrst og fremst vera að velta fyrir sér sambandi umhverfis og skynjunar. Hún hefur sérstakan áhuga á þeirri margræðni sem er fólgin í því með hversu ólíkum hætti við upplifum landslagið og náttúruna. Hún málar lítil málverk sem endurspegla augnablik óhlutbundinnar skynjunnar en vísa um leið til hefðbundinnar byggingar landslagsmynda fyrri tíma. Málverkin lýsa því hvernig staðhættir og umhverfi hefur opnað sig fyrir Stelphanie meðan á dvöl hennar í Hrísey hefur staðið. Stephanie Clark fæddist í Alamogordo í Nýju Mexíkó árið 1988 en býr nú í Minneapolis. Hún hefur stundað listnám í Boston og við Háskólann í Norður–Dakota. Nánari upplýsingar um Stephanie og verk hennar er að finna á heimasíðunnihttp://stephaniemclark.squarespace.com/.

Opið kl 14:00 - 20:00 miðvikudag 18. mars 14:00 - 20:00 fimmtudaginn 19. mars 14:00 - 18:00 föstudaginn 20. mars12:00 - 14:30 laugardaginn 21. mars

Matjurtagarðar á vegum Akureyrarbæjar verða til leigu sumarið 2015. Um er að ræða 15 fermetra matjurtagarða og er leigan 9.000 kr. yfir sumarið. Innifalið í verðinu eru matjurtir, fræ og kartöfluútsæði. Umsóknarfrestur er til og með 23. mars nk. Tekið við umsóknum í netfanginu lindamaria@akureyri.is , á skrifstofu Akureyrarbæjar og í síma 466 1762. Fram skal koma nafn, kennitala, símanúmer og netfang umsækjanda.

Vegna dræmrar þátttöku er konukvöldinu sem halda átti í Brekku laugardaginn 7. mars aflýst.

Íþróttamiðstöðin í  Hrísey óskar eftir sumarstarfsfólki. Unnið er á vöktum. Hlutastarf kemur til greina. Helstu verkefni eru: Öryggisgæsla. Gæsla og þjónusta í búningsklefum. Afgreiðsla. Þrif á húsnæði og umhverfi s.s. búningsklefum karla og kvenna, sundlaug og pottum. Þrif og umsjón tjaldsvæðis. Sjá nánar á heimasíðu Akureyrarbæjar 

Athugið breytta áætlun frá 1. mars sjá hér

Laugardagskvöldið 7. mars næstkomandi verður konukvöld á Brekku. Gleðin hefst kl 20:00 og stendur fram eftir nóttu! Fordrykkur að hætti hússins. Matseðill: Kjúklingasalat með mangó og balsamiksósu, heimabakað brauð. Í eftirrétt er síðan heimabökuð súkkulaðikaka með rjóma. Dagskrá: Agnes Sigurðardóttir frá Kalda verður með bjórkynningu og segir okkur frá þessu frábæra fyrirtæki.

Kötturinn verður sleginn úr tunnunni við búðina klukkan 11.00. Nemendur Hríseyjaskóla eru hvattir til að taka þátt í fjáröflun fyrir nemendaráð að syngja í fyrirtækjum. Öskudagsballið verður haldið í íþróttahúsinu klukka 15:30. Í þetta sinn verður enginn aðgangseyrir og því enginn nammipoki. Í boði verður skemmtun með dansi og þrautum fyrir alla til að fá útrás. Veitt verða verðlaun fyrir búninga. Kaffi á könnunni og djús.

Miðvikudaginn 25. febrúar kl. 17.00 í Hlein Á fundinum verða ýmiss málefni Hríseyjar rædd. Bæjarstjóri og fulltrúar frá Akureyrarbæ mæta á fundinn. Fjölmennum og tökum þátt í umræðunni. Kosið verður í Hverfisráð fyrir næsta starfsár. Þeir sem vilja gefa kost á sér til setu í ráðinu tilkynni það á skrifstofuna í Hrísey sími: 466-1762 fyrir hádegi á miðvikudeginum 25. febrúar, með tölvupósti á “lindamaria@akureyri.is” eða til Lindu Maríu í síma 891-7293 Hverfisráð Hríseyjar.