Fréttir

Opnuð hefur verið félagsráðgjafarstofa á netinu, sem eingöngu býður upp á ráðgjöf með samskiptum í gegnum netið og síma, þ.e. tölvupósta, skype viðtöl og símaviðtöl.  Stofnandi og eigandi Hugrekkis er Ingibjörg Þórðardóttir, félagsráðgjafi en hún hefur lengi unnið með þolendum ofbeldis.  Lesa meira Óskum Ingu innilega til hamingju.          

Ný og glæsileg heimasíða Hríseyjarskóla er komin í loftið. Gaman að fylgjast með starfi skólans.http://www.hriseyjarskoli.is/

Laugardaginn 5. október verður fyrsti grautardagur hjá okkur. Að venju verðum við í Hlein kl. 12.00 með þykkan graut og slátur.Allir velkomnir.

Nú er að fara af stað íþróttakóli fyrir börn á leikskólaaldri, fótbolti og frjálsíþróttaæfingar fyrir grunnskólabörn.Sjá hér

Frá og með 21. september verður opið kl. 12.00 - 15.00 á laugardögum.Þetta er tilkomið vegna frjálsíþróttaæfinga barna á aldrinum 5-10 ára.

Rúmlega 60 manns mættu á málþingið sem haldið var laugardaginn 14. september í Íþróttamiðstöðinni. Unnið var eftir svokölluðu þjóðfundarformi og skipt í 8-10 manna hópa og voru hópstjórar í hverjum hóp. Er það álit flestra að málþingið hafi verið mjög þarft og góð vinna farið þar fram. Áhugahópur um framtíð Hríseyjar sem stóð fyrir málþinginu mun á næstu dögum fara yfir niðurstöður fundarins og halda áfram þeirri vinnu sem framundan er. Hópurinn vill koma á framfæri þakklæti til allra sem tóku þátt í málþinginu bæði gestum og heimamönnum.

Hvað hefur þú til málanna að leggja? Áhugahópur um framtíð Hríseyjar boðar til málþings laugardaginn 14. september.Umræðuefni fundarins verða m.a.:Atvinnumál, byggðaþróun, þjónusta við íbúa, samgöngur, sumarhús, afþreying, ferðaþjónusta, heilbrigðismál,umhverfismál svo eitthvað sé nefnt.Hópurinn hvetur alla til að mæta á fundinn og taka þátt í umræðum eða bara til að hlusta á það sem aðrir hafa að segja, þetta er fundur þar sem allir eiga erindi sem láta sér málefni Hríseyjar varða.Fundurinn verður haldinn laugardaginn 14. september í Íþróttamiðstöðinni í Hrísey og hefst kl. 12:00 og lýkur klukkan 17:00.Á fundinn hafa boðað komu sína fulltrúar frá bæjarstjórn Akureyrarbæjar og Einingu Iðju. Þingmönnum og fleirum hefur einnig verið boðin þátttaka. Skráning á fundinn er hér og  í síma 864-1426. Í tengslum við fundinn og störf hópsins hefur verið sett af stað skoðanakönnun sem allir eru beðnir að svara. Hún er ekki eingöngu fyrir Hríseyinga heldur alla áhugasama. Hlekkur á skoðanakönnun. Hægt er að nálgast útprentað eintak í Júllabúð.

ATHUGIÐ 1. september verður ferja kl. 23.00 frá Hrísey og kl. 23.20 frá Árskógssandi upphringiferð Sjá áætlun 

Athugið. 1. september breytist áætlun þannig að ferja kl.23.00 verður upphringiferð. Sjá áætlun

Þá er komið að því, laugardaginn 7. september verður hinn árlegi Haustfagnaður. Dagurinn verður með svipuðu sniði og undanfarin ár. Leikklúbburinn Krafla byrjar að baka vöfflur kl. 15.00 á hátíðarsvæði.  Kveikt verður upp í grillum kl. 18.00 og seldir verða hamborgarar og franskar og jafnvel eitthvað meira og að sjálfsögðu eitthvað til að skola niður matnum með.   Nánari dagskrá verður birt í byrjun næstu viku.