Fréttir

Myndir frá hátíð

Hér má sjá dagskrána

Nú er dagskráin að verða tilbúin fyrir hátíðina og mun birtast hér í byrjun næstu viku ennþá nokkur atriði sem þarf að ganga frá. Það má samt reikna með föstum viðburðum s.s. óvissuferðum, söngvarakeppni barna, hjólböruformúlu, ratleik, kvöldvöku, brekkusöng og varðeldi. Í ár verður krakka wipe out í fyrsta sinn og einnig óvissuferð fyrir unglinga. Kirkjutröppuhlaupið verður annað árið í röð og að sjálfsögðu bláskeljasúpa Skelfélagsins og Brekka mun selja grillaða hamborgara á svæðinu samkvæmt venju. Opið verður á Cafe Hrísey, í Júllabúð og Brekku alla helgina.

11:00 Víðavangshlaup, hlaupið frá Íþróttamiðstöðinni.13:30 Dagskrá niðri á svæði. Andlitsmálning, leikir og þrautir.15:00 Vöfflusala í Sæborg.16:30 Bíó í Sæborg. Ungmennafélagið Narfi

Afmælisganga í Hrísey fimmtudaginn 14. júní kl. 20.  Nú gefst tækifæri til að kynnast náttúruperlunni Hrísey, gróðurfari, jarðsögu og fuglalífi eyjunnar með leiðsögn kunnugra. Þorsteinn Þorsteinsson tekur á móti göngugestum við ferjuna í Hrísey og leiðir gönguna. Sjálf gangan sem tekur um klukkustund er gestum að kostnaðarlausu, en verð i ferju fram og til baka er kr. 1200 og kr. 600 fyrir börn 12-15 ára og örorku- og ellilífeyrisþega.  Ferjan fer frá Árskógsströnd kl. 19.30 og til baka kl. 21. Það eru afmælisnefnd Akureyrarbæjar og Minjasafnið á Akureyri sem bjóða upp á þessar forvitnilegu gönguferðir í tilefni stórafmælisins.  

Í dag fengu kýrnar í Hrísey að fara út í fyrsta sinn á árinu eftir langan vetur. Stukku þær allar út með miklum rassaköstum og litlu kálfarnir hoppuðu í fótspor þeirra en bolinn Hringur var ekki á því að fara út og þurfti að beita brögðum til þess að fá hann af stað ekki fór þó betur en svo að hann komst undan og þurfti að hafa þó nokkuð fyrir því að ná honum í girðinguna. Í dag eru 15 kýr sem allar hafa borið í vor þannig að kálfarnir eru 15 talsins og einnig eru þrír síðan í fyrra.

Ungmennafélagið Narfi mun bjóða upp á 5 vikna íþrótta- og leikjanámskeið í sumar.3 vikur frá 11. júní - 28. júní og 2 vikur frá 23. júlí - 2. ágúst.Námskeiðin eru fyrir börn fædd 1996 - 2005 og kosta kr. 4.000.

Sjómannadagurinn í Hrísey er að venju haldinn hátíðlegur á laugardeginum fyrir sjómannadag.Dagskrá: 08.00 - Fánar dregnir að húni10.00 - Sigling11.10 - Messa13.30 - Skemmtun á hátíðarsvæði og við höfnina15.00 - 17.00 - Kaffisala í ÍþróttamiðstöðinniFrá miðnætti er svo dansað í Sæborg með Stulla og Dúa fram á rauða nótt.Slysavarnarfélag Hríseyjar.

Sjómannadagstilboð. Laugardaginn 2. Júní kl 19:00.. Forréttur: Kókoshjúpuð saltfisksteik á kartöflumauki með ananaskarrísósu.Aðalréttur:Lambafillé með rótargrænmeti, kartöflum og sósu.Eftirréttur:Súkkulaðikaka og kaffi. Verð kr 4.990 Vinsamlegast pantið fyrir 1. júní. Brekka sími 466 1751/695 3737

Bjóðum upp á mat laugardaginn 2. júní kl.19.00 í tilefni sjómannadagsins.. Matseðill: Forréttur: Brauðsnittur með rækjum og reyktum laxi. Aðalréttur: Kaldar kalkúnabringur með sætum kartöflum, heitri sósu, perusalati, ásamt bútterdeigshöttum með sveppafyllingu. Eftirréttur : Sítrónubúðingur. Verð pr. mann kr. 3.500,-. Pantanir þurfa að hafa borist fyrir kl. 13. þann 1. júní n.k. í síma 571 3450 eða 690 3711. Cafe Hrísey.