Bókasafn Hríseyjar

Bókasafnið er opið á fimmtudögum frá kl. 16:30 -18:30. 

Bókasafnið er samrekið með skólabókasafni Hríseyjarskóla og heyrir undir Amtsbókasafnið á Akureyri. Bókasafnið er staðsett í Hríseyjarskóla. 

Á síðustu árum hefur safnið og safnkosturinn tekið miklum breytinum. Búið er að flytja bókasafnið á jarðhæð skólans sem auðveldar mjög aðgengi að safninu. Verið er að vinna í því að tengja safnkostinn í tölvukerfið Leitir (sjá www.leitir.is), þannig að hægt verði að leita að efninu okkar á netinu. 

Nemendur og starfsfólk Hríseyjarskóla hafa tekið þátt í breytingunum og er markmiðið að kenna nemendum á markvissan hátt að nota bókasafnið sér til upplýsingaröflunar og yndislesturs. Lestrarátak hófst í öllum skólum landsins nú í haust og hefur Hríseyjarskóli svo sannarlega tekið þátt í því með góðum árangri. Markmið bókasafnsins er að örva áhuga nemenda á lestri bóka, bæði sér til skemmtunar og fróðleiks, og skapa góða og þægilega lestrar- og námsaðstöðu fyrir nemendur.