Fréttir

Þann 1. janúar 2018 tók Andey ehf við sem nýr rekstraraðili hríseyjaferjunnar Sævars. Andey ehf er í eigu Antons M. Steinarssonar skipstjóra á Sævari, Péturs Á. Steinþórssonar vélstjóra á Sævari og Þrastar Jóhannssonar skipstjóra á Sævari.

Mánudaginn 18. desember og þriðjudaginn 19. desember verða starfsmenn Slökkviliðs Akureyrar ásamt slökkviliðsmönnum í Hrísey á ferðinni um eyjuna. Tilgangur heimsóknarinnar er að fara yfir eldvarnir heimila í eyjunni. Vonumst til að sjá ykkur sem flest. Kveðja, Slökkvilið Akureyrar

Þriðjudaginn 12. desember verður haldinn íbúafundur í Hlein kl. 16:00 þar sem Tryggvi Már Ingvarsson formaður skipulagsráðs og Anna Bragadóttir verkefnastjóri skipulagsmála hjá Akureyrarkaupstað kynna tillögu að nýju Aðalskipulagi Akureyrar 2018-2030 sem nú er í auglýsingu. Tillöguna er hægt að kynna sér á heimasíðu Akureyrarkaupstaðar: akureyri.is undir Auglýstar skipulagstillögur. Allir velkomnir

Opið frá kl. 14:00 - 16:00

Hafnarsamlag Norðurlands bs. (Akureyrarhöfn) óskar eftir að ráða hafnarvörð til starfa í tímavinnu á starfstöð Hafnasamlagsins í Hrísey. Undir Hafnarsamlag Norðurlands bs. falla Akureyrarhöfn, Grenivíkurhöfn, Svalbarðsstrandarhöfn, Hjalteyrarhöfn, Hríseyjarhöfn og Grímseyjarhöfn. Helstu verkefni eru: Vigtun sjávarafla og skrá í aflaskráningakerfi Fiskistofu. Almennt viðhald á eignum hafnarinnar. Starf hafnarvarðar við móttöku og brottför skipa. Almenn þjónusta við viðskiptavini hafnarinnar. Almenn og sérhæfð störf á starfssviði hafnarinnar sem til falla.

Tafir hafa orðið á því að Hríseyjarferjan Sævar komi úr slipp. Gert er ráð fyrir að hún komi á laugardaginn 11. nóvember. Á meðan mun Máni frá Dalvík sjá um ferðir. Viðskiptavinir eru vinsamlegast beðnir um að beina öllum þungaflutningi á Sæfara á meðan á þessu stendur. Eyfar ehf.

Lokað verður föstudaginn 20. október og laugardaginn 21. október. Starfsfólkið ætlar að bregða sér í smáfrí. Opnum aftur föstudaginn 27. október.

Þorrablót Hríseyinga verður haldið laugardaginn 3. febrúar 2018 í íþróttahúsinu. Hljómsveitin Hamrabandið mun leika fyrir dansi.

Guðsþjónusta í Hríseyjarkirkju sunnudaginn 15. október kl. 14:00. Sr. Magnús G. Gunnarsson þjónar fyrir altari.

Félagsstarfið hefst mánudaginn 16. október kl. 15.00 í Hlein og verður á mánudögum í vetur nema annað sé auglýst. Allir 60 + velkomnir í hópinn Sjáumst hress í Hlein.