Fréttir

Síðasti opnunar dagur sumarsins verður sunnudagurinn 13 ágúst. Við þökkum fyrir frábærar móttökur og jákvæðni frá öllum viðskiptavinum í sumar. Birgir og Kristín.

Fyrirhugað er að ferjan fari til Dalvíkur á laugardagskvöld fyrir tónleikana og til baka að þeim loknum. Brottför frá Hrísey kl 19:50 og til baka frá Dalvík kl 00:30. Verð 3.000. kr á mann báðar leiðir. Skráning um borð í ferjunni í síma 695 5544.

Laumulistasamsteypan er fjölbreytilegur hópur ungra listamanna sem kemur árlega saman og vinnur að skapandi verkefni í Hrísey, Eyjarfirði. Samsteypan hefur undanfarin þrjú ár haldið blauta myndlistarsýningu í fiskvinnsluhúsi, gjörninga-leiðangur um eyjuna með tónlist, njósnum og hljóðverkum og í fyrra stóð samsteypan fyrir skammtíma útvarpsstöð og hlaðvarpi sem gerði út frá Hrísey. Verkefnið stendur yfir 10.-20. ágúst.

Vala Yates heldur tónleika í Hríseyjarkirkju laugardaginn 22. júlí kl. 20:00. Miðaverð kr. 2.000. Dimitrios Theodoropoulos spilar með Völu á gítar.

Hríseyjarhátíðin hefst föstudaginn 7. júlí með því að nokkrir Hríseyingar og sumarhúsaeigendur bjóða heimafólki og gestum í kaffisopa heim í görðunum sínum. Upplagt er að rölta á milli garðanna og njóta gestrisni og samvista við skemmtilegt fólk í fallegu umhverfi. Einnig verða óvissuferðir fyrir börn, unglinga og fullorðna.

“Verum dugleg að versla í litlu búðinni okkar. Það eru mikil lífsgæði að hafa þessa búð í eyjunni, en tilvist hennar er undir okkur viðskiptavinunum komin. Þessa dagana eru allir að reyna að minnka plastnotkun. Frá og með sjómannadeginum getið þið fengið svona fjölnotapoka lánaðan í búðinni ef þið gleymið ykkar poka heima”

Dagskrá Sjómannadagsins sunnudaginn 11. júní 2017. Kl 10 Sigling. Kl 11.15 Messa. Kl 13 Víðavangshlaup. Mæting við Hríseyjarbúðina. Í beinu framhaldi af hlaupinu verða leikir og sprell á hátíðarsvæði og við smábátabryggju. Reiptog, pokahlaup,skófluhlaup, vatnsblöðrukast, róðrarkeppni á kajökum, kappróður á gúmmíbátum fyrir börnin, sigling á björgunarsveitarbát o.fl. Kl 15. Kaffihlaðborð í Íþróttahúsinu í samstarfi við Verbúðina 66. Hluti af innkomu rennur til Björgunarsveitar Hríseyjar. Gengið verður í hús á föstudagskvöldinu 9. júní og seld sjómannadagsmerki. ATH. Vakin er athygli á því að dagskráin fer fram á Sjómannadaginn sunnudaginn 11. júní en ekki á laugardeginum eins og verið hefur undanfarin ár. Hvetjum alla til að mæta og ná upp góðri stemningu og hafa gaman saman :-)

Opnunartími í sumar: Sumaropnun frá 1. júní. Opið alla daga kl. 11:00 - 22:00. Grillið opið til 20:30

Íþróttamiðstöðin verður lokuð fimmtudaginn 1. júní vegna námskeiðs starfsfólks.

Opið frá kl. 14:00 - 16:00