Fréttir

Listamennirnir sem dvalið hafa í Gamla skóla í Hrísey frá maíbyrjun bjóða ykkur að vera við sýningu sunnudaginn 29. maí í Gamla skóla frá kl. 16.00. Á sýningunni verða alls kyns verk þar á meðal skúlptúrar, ljósmyndir og teikningar. Sýningin verður öllum opin. Endilega látið alla áhugasama vita og bjóðið þeim með! Vonumst til að sjá ykkur í Hrísey! Louisa , Nick og Tom .

Fundur vegna hátíðar í húsi Hákarla Jörundar kl. 17.00. Nú vantar okkur fólk til að starfa með til að hátíðin geti orðið.

Miðvikudaginn 25. maí kl. 16.00 í Hlein. Bæjarstjóri og fulltrúar frá Akureyrarbæ mæta á fundinn. Fjölmennum og tökum þátt í umræðunni. Kosið verður í Hverfisráð fyrir næsta starfsár. Þeir sem vilja gefa kost á sér til setu í ráðinu tilkynni það með tölvupósti á “lindamaria@akureyri.is” eða til Lindu Maríu í síma 891-7293 fyrir þriðjudaginn 24. maí. Hverfisráðið.

Opnunartími sundlaugar: Laugardaginn 14. og sunnudaginn 15. maí kl. 13.00 - 16.00. Hríseyjarbúðin er opin laugardaginn 14. og mánudaginn 16. maí kl. 13.00 - 17.00. Verbúðin 66 opin laugardaginn 14. maí kl. 16:00 - 23.00, sunnudaginn 15. maí kl. 15.00 - 23.00 og mánudaginn 16. maí kl. 15.00 - 20.00.

Guðsþjónusta verður í Hríseyjarkirkju sunnudaginn 8. maí kl. 14:00. Sr. Oddur Bjarni þjónar fyrir altari og organisti er sr. Magnús G Gunnarsson. Börn eru hvött til að mæta með bangsa eða dúkkur, sem Oddur Bjarni mun (skíra). Eftir guðsþjónustuna verða grillaðar pylsur. Aðalsafnaðarfundur Hríseyjarsóknar verður haldinn að guðsþjónustu lokinni. Venjuleg aðalfundarstörf. Sóknarnefnd Hríseyjarsóknar.

Íþróttamiðstöðin er opin frá 13.00 -16.00 á morgun Uppstigningardag

Völundarhús plastsins fer til Hríseyjar þar sem grunnskólabörn og listamaðurinn Jonna vinna verk úr endurvinnsluplasti og sýna afraksturinn í Sæborg fimmtudaginn 5. maí kl. 14:00 - 17:00.

Athugið. Sundlaugin verður lokuð sunnudaginn 1.maí .

Hríseyjarferjan Sævar fer í slipp 25. apríl og verður til ca 12. maí.

Eyfirski safnadagurinn er haldinn fimmtudaginn 21. apríl nk. - á sumardaginn fyrsta nánar tiltekið. Söfn, setur og sýningar á Eyjafjarðarsvæðinu verða með opið frá kl. 13:00 - 17:00 og ókeypis aðgang í tilefni dagsins. Þema ársins er "Hafið bláa hafið" og verður margt fróðlegt og skemmtilegt í boði á söfnunum þennan daginn!