Fréttir

LAUMULISTASAMSTEYPAN er breytilegur hópur sem kemur saman árlega í Hrísey og vinnur að uppákomu. Undanfarin tvö ár hefur samsteypan staðið annars vegar fyrir blautri sýningu í fiskvinnsluhúsi og hins vegar göngu- og gjörningaleiðangri um eyjuna með tónleikum, njósnörum og hvísli.

Hjónin Teitur Björgvinsson og Theodóra Kristjánsdóttir hafa opnað gistingu í Öldu, gamla prestbústaðnum að Austurvegi 9 í Hrísey. Boðið er upp á gistingu í 4 tveggja manna herbergjum með uppábúnum rúmum.

Birgir Snorrason bakari og Kristín Petra Guðmundsdóttir opnuðu í dag nýtt kaffihús í Brynjólfshúsi í Hrísey. Brynjólfshús stendur við Austurveg, nokkru austar en Íþróttamiðstöðin.

Senn líður að Hríseyjarhátíð, dagskráin er orðin klár og kemur í loftið von bráðar. Meðal þeirra sem fram koma eru Eyþór Ingi, Hermann Arason, The Bad Hyms frá Kanada og ýmsir fleiri. Hátíðin hefst með kaffi í görðum á föstudeginum og langar okkur til að biðja húseigendur að gera nú þorpið okkar skemmtilega skrautlegt með fánum, seríum, blöðrum og öðru skemmtilegu skrauti. Óvissuferðirnar verða á sínum stað á föstudeginum líka.

Sunnudaginn 26. júní 13.00 - 19.00 Gamli Skóli/ Old School Art-house, Skólavegur, 630 Hrísey Sýning þriggja alþjóðlegra listamanna sem hafa dvalið í Gamla skóla í júnímánuði. Lissie Cowley, listamaður - England // Phil Garrett, kvikmyndagerðarmaður- Ohio, USA // Lucy Jane Wheeler, listamaður - Shetland Allir velkomnir.

Athugið Lokað verður í sundlauginni á morgun, þriðjudaginn 14. júní á meðan viðgerðir standa yfir á heita vatninu ! Kveðjur, sundlaugarverðir

Vegna vinnu við dælustöð, verður lokað fyrir HEITA vatnið í Hrísey á morgun, þriðjudag 14. júní ´16 frá kl. 10:00 og fram eftir degi.

Almennur hreinsunardagur verður laugardaginn 11. júní kl. 11.00. Safnast verður saman við Hlein og haldið þaðan í hreinsunarleiðangur um þorpið. Að hreinsun lokinni verður boðið upp á grillaðar pylsur við Hlein. Mætum öll og hreinsum eyjuna okkar. Hverfisráð

Að venju fer dagskrá sjómannadagsins fram á laugardeginum fyrir sjómannadag.

Frá verkefnastjóra Brothættra byggða Helgu Írisi Ingólfsdóttur. Hér má sjá aðgerðaáætlun verkefnisins og auglýsingu um styrki sem hægt er að sækja um.