Fréttir

Minnum á Aðalfundinn á morgun miðvikudag 9. apríl kl. 20.00 í Brekku. Fjölmennum á fundinn og tökum höndum saman og byggjum upp ferðaþjónustu í Hrísey. Það geta allir sem áhuga hafa, gengið í Markaðsráðið.Tekið úr lögum félagsins:Aðild að samtökunum3. gr.Aðild að MRH geta átt öll fyrirtæki, félagasamtök,stofnanir og einyrkjar sem stunda atvinnurekstur í Hrísey.  Áhugamenn um tilgang félagsins geta gerst aðildarfélagar.Stjórn MRH 

Hörður Torfason var með tónleika í Sæborg í kvöld og þangað mættu 16 manns. Þessir tónleikar voru alveg stórkostlegir og leiðinlegt að sjá hvað fáir mættu til þess að hlýða á þennan góða listamann. Hörður bregður sér í alls konar hlutverk á meðan hann flytur dagskrána sína. Hörður er á ferð um Norðurland með Kertaljósatónleika sín og inn á heimasíðu Harðar má sjá þessa umsögn um tónleikana í kvöld:    "Til gamans má geta þess, mér til mikillar undrunar, þegar farið var að ræða málið þá hef ég ekki haldið tónleika í Hrísey í 16 ár! Tíminn er svo sannarlega fljótur að líða. Svo mál er komið að  birtast í Hrísey og kveðja gamla samkomuhúsið Sæborg með virktum og söknuði því þar hef ég haldið marga tónleika og jafnvel sviðsett leikrit svo ég á margar góðar minningar þaðan. Mér skilst á öllu að húsið eigi að fá nýtt hlutverk í eyjunni og vera lagt niður sem samkomuhús. "Þessi texti er tekinn beint af síðu Harðar og vona ég að hann fyrirgefi það. 

Í kvöld fimmtudagskvöldið 3. apríl komu saman í Hlein níu manns sem allir eiga það sameiginlegt að vilja halda Hríseyjarhátíð. Það var ákveðið á fundinum að næsta skref væri að reyna að afla fjár til að halda hátíðina og finna út í hvaða formi við viljum halda Þessa elleftu hátíð okkar. Svo verðum við bara að vona að eyjaskeggjar taki vel í að standa vaktir hátíðarhelgina, því þetta veltur jú allt á samvinnu.Undirbúningshópurinn. 

  Undirbúningsfundur fyrir Fjölskylduhátíð í Hrísey  18. - 20. júlí 2008  Fundar í Hlein fimmtudaginn 3. apríl kl. 20.Okkur vantar áhugasama einstaklinga til að hjálpa okkur við að undirbúa og skipuleggja hátíðina í sumarÞeir sem vilja leggja okkur lið eru hvattir til að mæta. Stöndum saman og höldum hátíð.  Undirbúningshópurinn 

 Takið frá föstudagskvöldið 25. apríl n.k. Þá verður konukvöld í Brekku og tilvalið að fara að byrja undirbúnig, fá sér neglur og fara í vax.Nánar auglýst síðar.Brekka  

Aðalfundur.Aðalfundur Markaðsráðs Hríseyjar verður haldinn miðvikudaginn 9. apríl 2008 kl. 20.00 í Brekku.  Dagskrá fundarins er eftirfarandi: Skýrsla stjórnar fyrir liðið starfsár.  Reikningar félagsins fyrir liðið reikningsár.  Kosningar í trúnaðarstöður.  Kosning löggilts endurskoðenda  Umræður og atkvæðagreiðsla um önnur mál.Stjórn Markaðsráðsins hvetur alla til að mæta á fundinn og hafa þannig áhrif á starf félagsins og virkni þess. Boðið verður upp á kaffi og með því. 

Þessi frábæra mynd kom fyrir nokkru til okkar. Þetta eru hin svokölluðu Sænsku hús sem svíar byggðu í kring um aldamótin. Þeir voru hér með síldarsöltun og í öðru húsinu var verbúð yfir sumarið fyrir söltunarstúlkur. Talið er að eitt sumarið hafi dvalið í húsinu 88 stúlkur. Þar hefur án efa verið þröngt á þingi en sjálfsagt mikið fjör. Húsin voru rifin rétt upp úr 1940.

Í gærkvöldi sunnudagskvöldið 9. mars var haldinn fundur vegna Fjölskylduhátíðar. Á fundinn mætti stjórn Markaðsráðsins, fleiri létu ekki sjá sig. Kom það okkur á óvart þar sem könnun hefur verið á heimasíðunni um hátíðina og þar svöruðu 30 manns og 30 % af þeim voru tilbúnir í að vera í undirbúningsnefndinni. En áhugasamir geta haft sambandi við Ingimar Ragnarsson í Eyjabúðinni. 

Síðan hefur legið niðri vegna tæknilegra örðugleika í rúmlega viku, en er nú komin í lag, vonandi til frambúðar. Við biðjumst velvirðingar á þessu.Stjórn Markaðsráðs Hríseyjar.  

Þessa dagana er unnið að uppsetningu á vinnslulínu í verksmiðjuhúsnæði Norðurskeljar. Bláskelin fer í gegnum línuna og er afklösuð, flokkuð og spunaþráðurinn tekinn af og síðan er hún vigtuð og henni pakkað. Er hún þá tilbúin á markað. Fyrst um sinn verður skelin seld á heimamarkaði en stefnt er að því að flytja hana út.