Fréttir

Í gær var opinn jólamarkaður í Perlunni og boðið var upp á kaffi, djús og piparkökur. Ýmis gjafavara er til sölu, bæði jólavörur, prjónavara og alls konar handverk sem er tilvalið í jólapakkana. Ágætis mæting var þrátt fyrir frosthörkur.Opið verður aftur sunnudaginn 9. desember kl.14-17 og boðið verður upp á heitt súkkulaði og piparkökur.                              

Sæfari fór frá Hrísey í vikunni fullur af brotajárni sem hefur verið til ósóma í Hrísey. Það hlýtur því að vera fallegra um að litast á ýmsum stöðum. Gleðifréttir.Snjótroðari er kominn til eyjarinnar og munum við vonandi fá tækifæri til að nota hann eitthvað í vetur. Það verður glæsilegt að þeysa um eyjuna á gönguskíðunum í troðnum slóðum. Er þetta ekki eitthvað sem hægt er að markaðssetja ??Það var hann Gísli Einarsson sem sendi okkur þessar skemmtilegu myndir og þökkum við honum kærlega fyrir það.Endilega sendið okkur fréttir og myndir.Svo minnum við á Jólamarkaðinn í Gallerí Perlu á sunnudaginn, opið verður frá kl. 14-17 og boðið er upp á kaffi og piparkökur. Nýjar myndir hér. 

Björgunarsveitin Jörundur er búin að fá afhentan nýja bátinn og nú er að fara af stað vinna við að setja mótorinn á og gera bátinn útkallskláran. Við viljum minna á að aðeins vantar upp á fjármögnun og eru öll framlög vel þegin. Reikningsnúmer Jörundar er  1177-05-12154 kt. 581088-2569.Til hamingju með þetta Hríseyingar. 

Rúmlega fimmtíu manns mættu á íbúaþing í Hlein í gær. Kristinn Árnason formaður Hverfisráðs byrjaði fundinn, síðan kom bæjarstórinn Sigrún Björk Jakobsdóttir og ávarpaði fundinn.

Íbúaþing verður haldið miðvikudaginn 21. nóvember 2007 í Hlein.  Á fundinn koma bæjarstjóri Akureyrar, fulltrúar frá umhverfisnefnd og bæjarstjórn.Dagskrá:1.  Ávarp bæjarstjóra2.  Staðardagskrá 21  (umferðarmál)3.  Atvinnumál,  almenn umræða4.  Kosning í Hverfisráð     Þeir sem gefa kost á sér til setu í Hverfisráði  tilkynni sig á skrifstofuna fyrir hádegi á miðvikudag                                Hverfisráð Hríseyjar   

Markaðsráðið gaf í dag út Karrann sem er fréttablað fyrir Hríseyinga. En Karrinn kom út í Hrísey á árum áður og síðasta blað hans kom út vorið 2004. Það var ákveðið að í blaðinu yrðu bara jákvæðar fréttir og einnig er þar viðburðadagatal fyrir nóvember og desember. Hægt er að lesa Karrann hér.  

Dröfn tók þátt í maraþoni í New York. Hér eru myndir af henni ásamt "hinum" sem hlupu. Hún kom í mark á tímanum: 7.27.29.  

Það er alveg fullt að gerast hjá okkur í Hrísey þessa dagana. Í dag kl. 18.00 var foreldrakaffi í skólanum þar sem nemendur kynntu ásamt Þórunni kennaranema sem hefur verið í æfingakennslu hér í skólanum síðustu fimm vikur verkefni sem þau hafa verið að vinna. Verkefnið unnu þau út frá heimabyggðinni Hrísey. Afraksturinn var veggteppi sem hefur að geyma 20 litlar myndir af því sem nemendur töldu vera táknrænt fyri Hrísey. Nemenfur höfðu frjálsar hugmyndir um útfærslu á myndunum þau völdu ýmist aðferðir sem þau kunnu eða langaði að prófa s.s. þæfingu, krosssaum, prjón og hekl, klippimyndir og ýmislegt fleira.  

Spilavist verður í Brekku mánudagskvöldin 12. 19 og 26. nóvember. kl 20.00.Kvenfélagið