Fréttir

Í tilefni Fiskidagsins mikla mun Ferðamálafélag Hríseyjar bjóða upp á siglingu til Dalvíkur föstudagskvöldið 7. ágúst klukkan 20 og áætlaður tími til Hríseyjar aftur er um miðnættið. Þessi ferð er hugsuð fyrir þá sem vilja fara og taka þátt í Fiskisúpukvöldi Dalvíkinga. Farið með með bát Norðurskeljar Guðrúnu EA 58 og er pláss fyrir 25 manns. Þeir sem vilja nýta sér ferðina vinsamlegast hafið samband við Lindu í síma 695 0077. Stjórnin  

 Laugardaginn 18. júlí kl. 10.00         Synt verður í tveimur flokkum: Keppnisflokkur og          skemmtiflokkur. Í skemmtilflokki er leyfilegt að synda í          neoprani og í raun hvernig sem er. Met verða einungis          skráð í keppnisflokki, þá bæði kvenna og karla. Bátar verða         á sundinu til að fylgjast með fólkinu. Skráning fer fram með því að senda tölvupóst á mrh@hrisey.net með upplýsingum um flokk, nafn og símanúmer.  

  Fjölskyldu- og Skeljahátíð í Hrísey 2009Kántrý - óvissuferðNú er loksins komið að árlegri óvissuferð sem ekki má sleppa enda brjáluð kreppa 

Dagskrá hátíðarinnar má sjá HÉR.Hún er birt með fyrirvara um smávægilegar breytingar. 

 Laugardaginn 4. júlí nk. verður boðið upp á siglingu með Guðrúnu EA 58 til móts við miðnætursólina.Farið frá  Hrísey kl. 23:30  og siglt á Árskógssand þaðan verður farið á miðnætti  og  siglt á móti sól. Léttar veitingar í boði. Takmarkaður fjöldi. Áætlaður siglingatími ca tveir tímar. Verð kr. 4.000  pr. mann.Nánari upplýsingar og bókanir í síma  695-0077 - Linda og á mrh@hrisey.net  

Laugardaginn 20. maí kl. 16 opnar sýning á verkum Kaare Espolin Johnsons í Húsi Hákarla Jörundar. Ólafur Jónsson, ræðismaður Noregs á Akureyri opnar sýninguna. Kaare Espolin Johnson fæddist í Surnadal í Noregi árið 1907 og lést í Osló árið 1994. Espolin nafnið kemur frá Espihóli í Eyjafirði, en þaðan eru ættfeður hans í föðurætt. Sýningin er hluti af Listasumri 2009 á Akureyri og er samstarfsverkefni Markaðsráðsins og Listasumars. Föstudaginn 19. júní opnar  einnig í Ketilhúsinu á Akureyri sýning á verkum Kaare Espolin Johnson. Allir eru velkomnir á opnunina. Sýningin stendur til 5. júlí og er opin alla daga kl. 10.00-16.00.  

Fundinum sem vera átti í kvöld fimmtudag er frestað til sunnudags 14.  júní kl. 20:30. Hann verður í Hlein.Nefndin  

Fimmtudagskvöldið 11. júní n.k. kl. 20:30 verður haldinn í Hlein fundur vegna Fjölskyldu- og Skeljahátíðar. Áríðandi að þeir sem vilja vinna að hátíðinni mæti á fundinn.Nefndin  

  SJÓMANNADAGURINN Í HRÍSEY 2009.Laugardaginn 6. Júní verður sjómannnadagurinn haldinn hátíðlegur í Hrísey. Dagskrá:10:00 - Sigling11:00 - Messa14:00 - Dagskrá á hátíðarsvæði15:00 - Kaffi í Íþróttamiðstöðinni16:30 - Börnum boðið upp á far með björgunarsveitarbátnum23:00 - Dansleikur í ÍþróttamiðstöðDanshljómsveit Friðjóns mun leika fyrir dansi frá klukkan 23:00 og fram eftir nóttu. Aðgangseyrir er 2000 kall. Posi á staðnum. Aldurstakmark er 16 ára.Upplýsingar gefur Brói í s: 695-5533.ATH: Auka ferja fer frá Hrísey kl.: 04:15 á sandinn. Hátíðarkvöldverður verður á Brekku sama kvöld. Borðapantanir eru hjá Gunnhildi í Brekku í S:466-1751 / 695-3737. 

Leikfélag Hólmavíkur leggur af stað í leikferðalag með gamanleikinn Viltu finna milljón? eftir Ray Cooney í leikstjórn Arnars S. Jónssonar. Næstu sýningar verða sem hér segir;Fimmtudaginn 22. maí í félagsheimilinu á Hvammstanga kl. 20:00. Föstudaginn 23. maí í félagsheimilinu í Hrísey kl. 20:00.Laugardaginn 24. maí í Allanum Siglufirði kl. 20:00. Leikendur í farsanum eru Einar Indriðason og Ester Sigfúsdóttir (frá Siglufirði), Gunnar B. Melsted, Úlfar Örn Hjartarson, Ingibjörg Emilsdóttir, Jón Jónsson, Kristín Sigurrós Einarsdóttir og Matthías Sævar Lýðsson. Auk þeirra kemur fjöldi annarra að uppsetningunni. Þetta er sýning sem enginn má láta fram hjá sér fara!