Fréttir

 Björgunarsveitir Slysavarnafélagsins Landsbjargar er að hefja nýtt fjáröflunar- og endurvinnsluátak undir heitinu „Svaraðu kallinu!"Átakið felst í því að björgunarsveitir safna gömlum gsm símum en ljóst er að slíkir símar leynast víða í skúffum og skápum landsmanna. Björgunarsveitirnar koma símunum áfram til þýska fyrirtækisins Greener Solutions sem sérhæfir sig í endurvinnslu og endurnýtingu á gsm símum, og fá greitt fyrir hvert eintak.  

Kveikt verður í áramótabrennu á gamlársdag kl. 17:00. Að þessu sinni verður brennan á gömlu ruslahaugunum, boðið er upp á "sætaferðir" frá Eyjabúðinni kl 16.45. Venju samkvæmt heldur Ungmennafélagið árshátíð sína um áramótin en þó verður áramótaballið með heldur nýju sniði í ár. Nú er komið að því sem allir hafa beðið eftir. FYRSTI DANSLEIKURINN Í NÝJA HÚSINU OKKAR!!!! Nú er ekki eftir neinu að bíða og því um að gera að taka kvöldið frá, pússa dansskóna og pressa sparifötin, því nú verður tjúttað. Hið landsþekkta gleðiband STORMSVEITIN mun halda uppi fjörinu fram eftir kvöldi. Hefst ballið kl. 01:00 á nýju ári og eru menn hvattir til að mæta tímanlega til að fá sæti og stæði á dansgólfinu.Verðinu verður að sjálfsögðu stillt í hóf eða 2500 kr fyrir skemmtunina. 

Aðfangadagur -Lottó  opið 11.00 - 12.00 Annar í jólum - Hljómsveitin Frum, Gummi Ingólfs og Jokka í jólastuði fram á nótt. Húsið opnar kl. 22.00. 27. desember - opið frá kl. 17.00 - Lottó, pizzur og bar.Lokað frá 28. des til 3. jan. 2009.Gleðileg jól og farsæslt komandi ár.                                      Veitingahúsið Brekka.     

Í ár var það Kelahús sem hlaut verðlaunin fyrir fallegustu jólaskreytinguna. Í verðlaun var hangikjöt og meðlæti.Til hamingju með þetta heimilisfólk í Kelahúsi Kiddi, Bára, Unnur, Addi, Andrea og Árni. 

Á annan dag jóla kl. 15:15 verður jólagleði í glæsilega nýja samkomuhúsinu okkar. Þar verður feykistórt jólatré og mikil stemning í salnum. Dansað verður í kring um jólaherðatré undir dunandi jólatónlist og kannski koma sveinar ofan af fjöllum. Það er um að gera að fjölmenna í íþróttamiðstöðinni dansa svolítið og skemmta sér saman. Þá verður einnig boðið upp á kaffi og smákökur, ekki veitir af að halda okkur við efnið... Umf. Narfi  

Íþróttamiðstöðinn í Hrísey verður opin 27. des 13:00-16:00 og 30. des 14:00-20:00. Aðra daga frá og með 21 des til og með 1.jan - lokað.  

Úrslit í samkeppninni verða tilkynnt í Eyjabúðinni mánudaginn 22. desember kl. 17:00.   

Tilkynning frá VoiceÞað er komin sendir fyrir Voice í Hrísey og senda þeir út á fm 95,1. 

Þá fer að líða að fyrsta þorrablóti í Íþróttamiðstöðinni. Laugardaginn 14. febrúar 2009 verður þorra blótað í nýju húsi. Hljómsveitin Sixties leikur fyrir dansi og fréttir herma að gerð annáls gangi vel.Nefndin 

Föstudagskvöldið 19. desember mun Gréta Kristín Ómarsdóttir lesa úr ljóðabók sinni Fósturvísur sem gefin var út þann 5. desember af Populus tremula. Bókin var gefin út í 100 eintökum og er tölusett og árituð. Hvernig væri að mæta í Brekku og hlusta á ljóðalestur og fá sér jólaglögg og piparkökur. Tilvalið fyrir þreyttar húsmæður að líta aðeins upp úr skúringarfötunni. Hægt verður að kaupa bókina og kostar hún kr. 1.000.