Fréttir

Fimmtudagskvöldið 11. júní n.k. kl. 20:30 verður haldinn í Hlein fundur vegna Fjölskyldu- og Skeljahátíðar. Áríðandi að þeir sem vilja vinna að hátíðinni mæti á fundinn.Nefndin  

  SJÓMANNADAGURINN Í HRÍSEY 2009.Laugardaginn 6. Júní verður sjómannnadagurinn haldinn hátíðlegur í Hrísey. Dagskrá:10:00 - Sigling11:00 - Messa14:00 - Dagskrá á hátíðarsvæði15:00 - Kaffi í Íþróttamiðstöðinni16:30 - Börnum boðið upp á far með björgunarsveitarbátnum23:00 - Dansleikur í ÍþróttamiðstöðDanshljómsveit Friðjóns mun leika fyrir dansi frá klukkan 23:00 og fram eftir nóttu. Aðgangseyrir er 2000 kall. Posi á staðnum. Aldurstakmark er 16 ára.Upplýsingar gefur Brói í s: 695-5533.ATH: Auka ferja fer frá Hrísey kl.: 04:15 á sandinn. Hátíðarkvöldverður verður á Brekku sama kvöld. Borðapantanir eru hjá Gunnhildi í Brekku í S:466-1751 / 695-3737. 

Leikfélag Hólmavíkur leggur af stað í leikferðalag með gamanleikinn Viltu finna milljón? eftir Ray Cooney í leikstjórn Arnars S. Jónssonar. Næstu sýningar verða sem hér segir;Fimmtudaginn 22. maí í félagsheimilinu á Hvammstanga kl. 20:00. Föstudaginn 23. maí í félagsheimilinu í Hrísey kl. 20:00.Laugardaginn 24. maí í Allanum Siglufirði kl. 20:00. Leikendur í farsanum eru Einar Indriðason og Ester Sigfúsdóttir (frá Siglufirði), Gunnar B. Melsted, Úlfar Örn Hjartarson, Ingibjörg Emilsdóttir, Jón Jónsson, Kristín Sigurrós Einarsdóttir og Matthías Sævar Lýðsson. Auk þeirra kemur fjöldi annarra að uppsetningunni. Þetta er sýning sem enginn má láta fram hjá sér fara! 

  Markaðsráð Hríseyjar stendur fyrir málþinginu,,Menning á sjálfbærum áfangastað"í Hrísey laugardaginn 23. maí kl. 10:30 - 15:00.Sjá auglýsingu Skráning fer fram á netfanginu lindamar@internet.is    

Þriðjudaginn 19. maí kl. 10:00 fer fram bifreiðaskoðun og endurskoðun þeirra farartækja sem ekki fengu skoðun síðast.  Allir sem eiga eftir að færa bifreiðar sínar til skoðun eru hvattir til að mæta með þær í Slökkvistöðina til skoðunar.Frumherji     

Fyrsti fundur vegna Fjölskyldu-Skeljahátíðar verður haldinn í Hlein mánudaginn 11. maí kl. 20:30. Nú mæta allir sem hafa áhuga á því að sitja í undirbúningsnefnd og höfum í huga að hátíðin stendur og fellur með því að einhver taki að sér skipulagningu hennar. Stjórn Markaðsráðsins  

Skoðið dagskrá safnadagsins með því að ýta á borðann........    

Út er komin bókin "Ég skal vera dugleg" eftir Lovísu Maríu Sigurgeirsdóttur (Geira og Elsu dóttir). Lóa Maja mun byrja kynningarferðalag sitt í Hrísey nánar tiltekið í Brekku, á föstudagskvöldið 24. apríl kl. 21:00Til allrar hamingju er það ekki hlutskipti margra fimm ára gamalla barna að dvelja langdvölum á sjúkrahúsi, fjarri fjölskyldu og vinum. Það fékk þó Lovísa María Sigurgeirsdóttir frá Hrísey að reyna og hér rifjar hún upp dvöl sína á Fjórðungssjúkrahúsinu á Akureyri þegar hún var lítil stelpa upp úr 1960. Á einlægan hátt lýsir  Lovísa María líðan sinni innan veggja sjúkrahússins og þeim heimi sem þar var, heimi sem einkenndist jafnt af æðruleysi og örvæntingu - sorgum og sigrum. Hún segir frá söknuðinum, framandleikanum og kynnum sínum af börnum og gömlu fólki sem hún tengdist órjúfanlegum böndum. Sumir náðu sér og kvöddu með bros á vör - aðrir kvöddu þetta líf.  Lóa Maja fékk bót meina sinna en gleymir aldrei Tóta og öllum hinum sem kenndu henni að meta hinar margvíslegu hliðar mannlífsins.Myndir 

Fyrirhuguðum aðalfundi Markaðsráðs Hríseyjar sem átti að vera í Brekku miðvikudaginn 15. apríl er frestað um viku og verður miðvikudaginn 22. apríl kl 18.00 í Brekku.Stjórnin.

Laugardaginn 18. apríl verður boðið upp á graut í hádeginu í Hlein. Að þessu sinni ætlum við að vera með umræður um ýmis málefni. Allir velkomnir stjórn MRH