Fréttir

   Í gær laugardag 29. september mættu 85 manns fyrir utan Brekku og gæddu sér á grilluðum pylsum, hamborgurum og gosi í góðu veðri.  

Kæru HríseyingarÁ morgun laugardag ætlar Markaðsráð Hríseyjar að standa fyrir smá dagskrá í Hrísey.Við ætlum að byrja á því að bjóða börnunum í bíó kl. 14.00 í Sæborg.Farið verður í vitaferð kl. 16.00 frá Eyjabúðinni og er hún í boði Markaðsráðs.Eftir vitaferðina eða um kl. 17.00 verður boðið upp á grillaða hamborgara, pylsur og gos fyrir utan Brekku. Það eru Völvusteinn, Biggi bakari og Vífilfell sem gefa matinn.Ómar Hlyns syngur fyrir okkur á meðan við snæðum og að sjálfsögðu verður Brekka opin fram eftir kvöldi.Mætum nú öll og höfum gaman saman......Markaðsráð Hríseyjar. 

Vorum að fá sendingu af myndum frá þeim feðgum Steina og Arnari.Endilega kíkið og sjáið hvort þið þekkið einhver andlit þarna.Myndir 

Heimasíðan hefur alveg legið niðri undanfarin mánuð vegna sumarleyfa. Nú er umsjónaraðilinn komin í fjarnám í Háskólanum á Hólum og situr þar sveitt í innilotu. Vonandi verður þetta nám til þess að miklu markvissara og hnitmiðaðara efni verður sett inn á síðuna.Ég vil benda á heimasíðu Hólaskóla. www.holar.is en þar inni er margt fróðlegt og skemmtilegt. 

Við vorum að fá í hendur myndirnar sem voru utan á Salthúsinu. Þær eru frá Stefáni Jóni.  Arnar í Toppfilm lagaði þær eitthvað aðeins til fyrir okkur. Myndir. 

Við auglýsum hér með eftir myndum frá Hátíðarhelginni. Gaman væri að hafa myndir inni á síðunni. Við vorum ekki með neinn ljósmyndara á okkar snærum svo að við leitum til ykkar. Ef þið lumið á skemmtilegum myndum sem þið eruð til í að deila með okkur endilega sendið þær á mrh@hrisey.net  

Nú er þessi helgi að baki og Fjölskyldu- og Skeljahátíðinni lokið. Áætlaður fjöldi í Hrísey um helgina er 1300 manns, allt fór vel fram og eru bara flestir sammála um að þessi nýja tilhögun hafi gengið vel. Gaman væri að heyra frá ykkur þarna úti um þetta. Við viljum koma á framfæri kærum þökkum til allra sem lögðu hönd á plóg, án ykkar væri þetta ekki mögulegt.Hátíðarnefndin. 

Hérna koma nokkur atriði sem vert er að hafa i huga.Sundlaugin er EKKI opin vegna uppbyggingar fjölnotahúss og þar af leiðandi er engin almenn baðaðstaða fyrir gesti og gangandi. Panta þarf fyrir tjaldvagna í ferjunni síminn þar er 6955544.Tjaldstæðið er eingöngu fyrir fjölskyldufólk og kostar nóttin kr. 1.500 fyrir tjaldið.Hákarlasafnið verður opið alla helgina frá kl: 14.00-17.00Auglýsing fyrir óvissuferð er komin inn. ATH að panta í ferðina í tíma.Hér kemur dagskráin fyrir Fjölskyldu og Skeljahátíðina:Nánari tímasetningar.Dagskrá til útprentunar.AuglýsinginÓvissuferð  

Sjávarútvegsráðuneytið hefur, með vísan til 2. mgr. 2. gr. reglugerðar nr. 439, 15. maí 2007 um úthlutun byggðakvóta til fiskiskipa á fiskveiðiárinu 2006/2007, samþykkt sérstök skilyrði vegna úthlutunar aflaheimilda í eftirtöldum sveitarfélögum: Grýtubakkahreppur, Akureyrarbær, Sveitarfélagið Árborg og Fjallabyggð sbr. meðfylgjandi skjal.