Fréttir

 Íslenski safnadagurinn í Hrísey, sunnudaginn 8. júlí.Kl. 14 verður formlega opnuð sýning í  Gamla-Syðstabæjarhúsið, og verður opið til kl. 18.Félagið Hákarla-Jörundur hefur undanfarin ár staðið fyrir endurbótum á húsinu, sem er það elsta í Hrísey. Syðstabæjarhúsið var byggt úr stórviðum skipa sem strönduðu við Hrísey í óveðri árið 1884. Í húsinu hefur verið sett upp sýning til bráðabirgða og eru þar einkum munir tengdir sjávarútvegi, en einnig ýmislegt annað frá Hrísey. Í framtíðinni verður í Syðstabæjarhúsinu sýning um hákarlaveiðar ásamt tilfallandi sýningum um ýmis efni. Ásgeir Halldórsson málari og forvígismaður endurbótanna á Syðstabæjarhúsinu verður til leiðsagnar á íslenska safnadaginn. Holt, hús Öldu Halldórsdóttur, verður einnig hægt að fá að skoða þennan dag. Í Holti er innbú Öldu varðveitt eins og hún skildi við það, en Alda var sterkur persónuleiki, og "amma" allra barna í Hrísey, þótt hún væri einhleyp og ætti ekki afkomendur. Í Hrísey er margt fleira að sjá.  Kl. 15 verður farið í gönguferð um eyjuna  sem tekur um það bil eina og hálfa klukkustund og er flestum fær,  fararstjóri og leiðsögumaður verður  Þorsteinn Þorsteinsson.Traktorsvagnferðir eru farnar frá bryggjunni á klukkutíma fresti, fyrir þá sem vilja prófa þennan sérstaka fararmáta. Veitingahúsið Brekka mun einnig bjóða upp á kaffihlaðborð kl. 15-17.Aðgangur að Syðstabæjarhúsinu og Holti er ókeypis.Gjald fyrir vagnferðir er  kr. 1000,  fyrir 15  ára og eldri  en  kr. 500 fyrir 12-14 ára, ókeypis fyrir yngri en 12 ára.Kaffihlaðborð á Brekku kostar  kr 1200 fyrir 12 ára og eldri, en  kr. 800 fyrir 6-11 ára. Frítt f. 5 ára og yngri Ferja fer frá Hrísey kl 13:00 og til baka frá Árskógssandi kl. 13.30 eins og vanalega, og á klukkutíma fresti  eftir það til kl. 19:00 og 19:30 Þá er bara að biðja um gott veður svo sem flestir geti átt ánægjulegan dag í Hrísey.  

Laugardagskvöldið 23. júní var farið í vitaferð kl. 21.00 alls voru um 18 manns í ferðinni. Ásgeir Halldórsson var með leiðsögn og svo var boðið upp á heitt súkkulaði og kaffi við vitann. Ágætis veður var komið þegar við lögðum af stað og nutu allir ferðarinnar.                                                                           

 Vantar upplýsingar um húin sem standa fremst á þessari mynd. Vinsamlegast hafið samband við Lindu Maríu eða sendið póst á mrh@hrisey.net ef þið hafið einhverjar upplýsingar. 

                                         Mynd/Toppfilm  Laugardaginn 23. júní kl. 21.00 verður farið í vitaferð með leiðsögn, ekið verður á dráttarvél með heyvagni. Skemmtileg upplifun á fallegum og friðsælum stað.Hamborgaratilboð á veitingahúsinu Brekku.Ostborgari + stór úr krana kr. 1.490Vitaferð + hamborgaratilboð kr. 3.000,- pr mann.Pantanir í síma 695-3737 eða 692-3701 fyrir föstudag.Markaðsráð Hríseyjar og veitingahúsið Brekka.www.brekkahrisey.is  

 Nú styttist í að Hákarlasafnið verði opnað og er kominn tími til. Nú leitum við að munum sem tengjast hákarlaveiðum fyrri tíma, svo sem skinnklæðum, bræðslupottum, gömlum sjókortum, hákarlalínum, hákarlaskutlum, hákarladrepum o.fl. Einnig eru gamlar myndir af hákarlaskipum, formönnum þeirra og hákarlasjómönnum vel þegnar. Öllum myndum verður skilað aftur eftir að þær hafa verið skannaðar á diska. Allir Íslendingar sem unna landsbyggðinni takið nú höndum saman og hjálpið við að gera þetta safn sem veglegast og gerum þessa sögu þjóðarinnar sem mesta. Hákarlaveiðar eru upphaf sjávarútvegs á Íslandi, þá hófst saga þilskipanna og voru flestar borgir lýstar upp með hákarlalýsi frá Íslandi. Þessum tíma hafa verið gerð alltof lítil skil, breytum því með tilkomu HÁKARLASAFNSINS.Allar upplýsingar veittar í símum: 898-9263 eða 466-1769 og á rosakara@internet.isÁsgeir Halldórsson Sólvallagötu 1630 Hrísey  

 Í næstu viku 25. júní - 29. júní verður siglingaklúbburinn Nökkvi með námskeið í Hrísey. Þetta eru ca. 3 tímar á dag. Áhugasamir hafi samband við Rúnar Þór í síma 864-5799.    

 Athugið að frá og með 15. júní gengur ferjan á klukkustundarfresti frá kl. 13.00 - 19.00.Sjá áætlun Sævars. 

 Það eru 6000 manns búnir að heimsækja síðuna okkar í dag. Við viljum þakka ykkur fyrir að taka okkur svona vel. Endilega látið nú í ykkur heyra, það vantar ennþá innsendar greinar, sögur, myndir og bara eitthvað skemmtilegt sem er að gerast. Hvernig væri að nota síðuna til að koma á framfæri því sem er að gerast hjá ykkur á einhver afmæli, er einhver að gifta sig, var verið að skíra eða fæddist nýr Hríseyingur..........Takk fyrir móttökurnar.  

Helgina 20. júlí - 22. júlí verður heilmikið um að vera í Hrísey en þá munu Skeljahátíðin og Fjölskylduhátíðin renna saman í eina skemmtilega heild. Ekki er komið nafn á þessa skemmtun ennþá og eru tillögur vel þegnar. Þið getið sent inn á mailto:mrh@hrisey.net ef þið hafið einhverjar hugmyndir.Á dagskránni verður meðal annars:SædýrasafnÓvissuferðir fyrir börn og fullorðnaDiskótek fyrir börn Söngvarakeppni barnaÖkuferðir um þorpiðVitaferðirSkeljakappátFlugmódelsýningSkeljasmakkKvöldvakaVarðeldurBrekkusöngurFlugeldasýningLeiktækiRatleikurTilbúin dagskrá með uppröðun og tímasetningum verður birt um leið og hún liggur fyrir.