Fréttir

Er ekki einhver þarna úti sem lumar á góðri frásögn, vísu eða bara einhverju skemmtilegu sem tengist Hrísey.  Endilega hafið samband, það er hægt að senda póst á mrh@hrisey.net eða koma því til Lindu Maríu eða Guðrúnar á skrifstofunni.Gaman væri að setja inn einhverskonar gamanþátt á síðuna og birta skemmtilegar frásagnir af fólki. Bæði gamlar og nýjar. 

Konukvöldið á Brekku skírdag tókst alveg ljómandi vel. Þar mættu 50 konur, borðuðu saman góðan mat og skemmtu sér fram á nótt. Skemmtiatriðin voru ekki dónaleg, Drífa Þórarinsdóttir opnaði dagskrána með pistli um konur og samskipti þeirra við karlmenn, Oddný Sturludóttir var með mjög skemmtilegan pistil svo kom Lóa Mæja Geira og Elsu dóttir og las upp frumsamin ljóð, Björk Jakobsdóttir leikkona sló svo í gegn með atriði um samskipti kynjanna og hlutskipti kvenna. Aðalsteinn Bergdal söng svo nokkur lög í lokin og endaði djammið með Ómari Hlyns fram á rauða nótt.Að auki var happdrætti með flottum vinningum, spákona mætti á svæðið og fengu svo allir smá gjafir sem biðu á borðunum og góðan fordrykk. Það er ekki spurning að svona konukvöld verður haldið aftur og aftur og aftur............ 

 Mánudaginn 2.apríl 2007. kl. 20.00 er Aðalfundur Markaðsráð Hríseyjar í Hlein. Vonumst til að sjá sem flesta. Það geta allir átt aðild.2. kafliAðild að samtökunum3. gr.Aðild að MRH geta átt öll fyrirtæki, félagasamtök,stofnanir og einyrkjar sem stunda atvinnurekstur í Hrísey.  Áhugamenn um tilgang félagsins geta gerst aðildarfélagar.4. gr.Þeir sem uppfylla skilyrði 3. greinar og eru skuldlausir við félagið, miðað við aðalfund, teljast fullgildir félagar í MRH.Stjórn Markaðsráðsins. 

Kíkið í myndasafnið.Það voru að koma nýjar myndir frá honum Steina rjúpu. Þetta eru fyrstu myndirnar sem hann er búinn að láta skanna inn. Það er líka gaman að segja frá því að það er sonur Steina, Arnar sem skannar myndirnar og lagar þær. Þetta eru myndir í misgóðu lagi eins og gefur að skilja.  Þarna eru á ferðinni myndir frá því í gamla daga. Alveg hreint frábært að fá að njóta þess að skoða þessar gömlu myndir. Sjáið bara hvað allir eru fínir og glaðir.Gamlar myndir 

 Þessi mynd var send á síðuna í dag. Þetta er í rauninni orðin söguleg mynd, því sundlaugin lítur sko ekki svona út í dag.    

 Hríseyjarhátíð 2007 er dagana 20. júlí - 22. júlí.Fundur vegna Hríseyjarhátíðar verður haldinn í Hlein sunnudag 18.mars kl. 20.00Stjórn Markaðsráðs. 

Þann 28. janúnar var þessi síða formlega sett í loftið og eru gestir nú orðnir 2027. Heimasíðan er búin að vera í loftinu í 41 dag og þá eru að meðaltali 49 manns að skoða hana á dag. Þetta eru mjög ánægjulegar tölur miðað við að engar ferðamannaupplýsingar eru komnar inn á síðuna. Það er heldur ekki búið að markaðssetja síðuna með markvissum hætti. Textinn sem á fara á síðuna er að mestu leyti tilbúinn, en eftir er að láta lesa hann yfir.Við viljum ítreka það að allar upplýsingar, athugasemdir, myndir, greinar og tillögur frá ykkur eru vel þegnar. Vinsamlegast setjið ykkur í samband við Lindu Maríu Ásgeirsdóttur eða sendið inn póst. Netfangið er mrh@hrisey.net , það er neðst á forsíðunni. 

Við ætlum að fylgjast með endurbótum á sundlauginni og byggingu íþróttahúss í Hrísey. Nú er komin fróðleikur um byggingu sundlaugarinnar og munum við svo birta myndir af framkvæmdunum. Gaman væri ef einhver ætti gamlar myndir af sundlauginni sem við gætum fengið.Þessi grein um sundlaugina er tekin upp úr ritgerð sem Elín Björg Ingólfsdóttir gerði í kring um 1984 í menntaskóla. Ritgerðin birtist í tímaritinu Súlum og þótti mjög merkileg vegna þess að lítið var til um ritaðar heimildir um Hrísey. Elín er barnabarn Elínbjargar Þorsteinsdóttur. Heimildir eru bæði munnlegar og skriflegar. Heimildaskrá fylgir ritgerðinni og munum við reyna að setja sem mest af þessu efni inn á síðuna.Saga sundlaugarinnarMyndir af framkvæmdum 

 Í gær laugardagin 3. mars var farið með könnun vegna Hríseyjarhátíðar á öll heimili í Hrísey og eyjaskeggjar beðnir um að taka þátt í henni. Könnunin verður sótt í dag og svo er einnig hægt að skila henni í kassa í búðinni.Við birtum hér niðurstöður könnunar sem var gerð á þessari síðu í febrúar.Hvað finnst þér um Hríseyjarhátíð ?Fín eins og hún er. : 25% Mætti endurskoða hana. : 34%Eigum að hætta með hana. : 24%Byggja hana upp meira á heimamönnum. : 17% Fjöldi svara: 71

 Ómar Árnason er með heimasíðu og bendum við fólki á að fara inn á hana og skoða. Hann er búinn að skanna inn fullt af gömlum myndum sem hann er að viða að sér. Þarna eru myndir af mannlífi, skipum, húsum og viðburðum. Það gæti jafnvel verið mynd af þér.slóðin inn á myndirnar er : http://www.123.is/omar/  Þar er farið í gamlar myndir.